Viltu skilja (við) verkina?
Hafa samband

Valdeflandi
vegferð
frá verkjum

til vellíðunar

Rjúfum langvinn verkjamynstur og mótum ný heilsueflandi mynstur sem stuðla að bata

Þú færð stuðning við að

▸ Skilja verki og verkina þína

▸ Endurþjálfa verkjakerfið þitt

▸ Styrkja samband þitt við líkamann

▸ Móta heilsueflandi lífsstíl

Við vinnum með gagnreyndar aðferðir og skapandi hugarfar

Verkjaendurferlun (PRT)

Heilsumarkþjálfun

Jákvæð sálfræði

Jóga & jóga nidra

Skapandi hugsun

PRT Verkjaendurferlun

IIN Heilsumarkþjálfun

Jákvæð sálfræði

Jóga & jóga nidra

Hæ hæ, ég heiti Sóley og er eigandi Heilsuhönnunar.

Áhugi minn á heilsueflingu kviknaði þegar ég náði bata eftir að hafa glímt við langvinna verki og heilsuleysi sem varð til þess að ég þurfti að leggja starf mitt við grafíska hönnun á hilluna.

Eftir langa leit að lausnum fann ég óvænt leiðina að bata. Hún var ólík öllu sem ég hafði áður prófað og fólst í að endurþjálfa heilann og taugakerfið.

Í dag er ég laus úr klóm verkja og heilsuleysis, hef fulla starfsgetu og hreyfi mig að villd. Spila t.d. badminton mörgum sinnum í viku (með öxlinni sem ég hélt að væri ónýt).

Nú brenn ég fyrir því að hjálpa fólki sem glímir við langvinna verki við að rjúfa sín verkjamynstur og öðlast frelsi til að blómstra í sínu lífi.

Ég lít á heilsueflinguna sem sköpunarferli og nýti gagnreyndar aðferðir Verkjaendurferlunar (Pain Reprocessing Therapy), jákvæðrar sálfræði,  heilsumarkþjálfunar og jóga.

Vertu velkomin/n/ið ef þú telur að ég geti stutt þig eða þína skjólstæðinga til betri heilsu!

Sóley Stefáns

Ég á það sameiginlegt með nöfnum mínum úr blómaríkinu að vilja hafa ræturnar í jörðinni og teygja mig í átt til sólar!

Umsagnir

Um námskeiðið Skiljum (við) verkina

„Mjög góð fjárfesting í heilsu“
Þórir Páll Agnarsson
„Þetta er öðruvísi nálgun og von um bót sem er raunhæf og ekki of flókið að vinna að. Efnið er mjög fróðlegt og frábært að geta horft aftur á það sem stendur upp úr. Mæli mjög svo með þessu námskeiði fyrir alla sem eru búnir að prófa ALLT“
Ásta Kjartansdóttir
„Þetta er námskeið sem hjálpar manni að skilja verkina og ástandið sem maður er að kljást við, það gefur manni verkfæri til að takast á við það og breyta vönum sem viðhalda ástandinu. - Í raun geta verkir og ástand verið gamalt forrit sem gengur í engu samræmi við það sem raunverulega er í gangi í líkamanum í dag. “

„Faglegt og hvetjandi námskeið. Einstaklega vel heppnað. Ég hef verið inn í Virk í rúmlega ár og hef ekki farið á svona gott námskeið um nákvæmlega þetta viðfangsefni með þessari nálgun.“

„Myndi mæla 100% með námskeiðinu, gefur þér verkfæri til að takast á við líkamlega og andleg langvarandi veikindi, gefur þér styrk og von, góð og kjörnuð nálgun á það hvernig við getum gert enn betur að skilja verkina og sýna okkur samkennd.“

„Ekki spurning að fara, námskeiðið gefur góðan árangur og betri líðan, meiri skilning og trú að geta haft áhrif. Síðan situr eftir mikið af verkfærum til að vinna áfram með.“

„Ekki spurning að fara, námskeiðið gefur góðan árangur og betri líðan, meiri skilning og trú að geta haft áhrif. Síðan situr eftir mikið af verkfærum til að vinna áfram með.“

Um heildræna heilsumarkþjálfun

...„Heilsumarkþjálfunin hjá Sóleyju hafði mjög góð áhrif á mig. Ég öðlaðist mikla þekkingu á bæði hlutum tengdum heilsu, mataræði, hreyfingu og hugleiðslu en líka þekkingu á mér, hugsunum mínum og tilfinningum. Í gegnum markþjálfunina náði ég að tileinka mér hugsunarhátt og ákveðna meðvitund sem ég mun búa að út lífið, auk þess sem ég lærði að hlusta betur á og virða líkamann minn. “...
Steinunn Lóa Lárusdóttir
Sóley er frábær heilsumarkþjálfi og hún fær mín allra bestu meðmæli. Heilsumarkþjálfun með Sóleyju hefur verið árangsrík og meðal annars skilað sér í meiri orku og alls kyns tólum og tækni til að huga að heilsunni í heildstæðu samhengi.
Katrín Anna Guðmundsdóttir
Þegar ég byrjaði í heilsumarkþjálfun hjá Sóleyju vissi ég ekki alveg út í hvað ég væri að fara en var forvitin og langaði að prófa eitthvað nýtt. Í fyrstu vildi ég leggja áherslu á hreyfingu og mataræði en Sóley fékk mig til að átta mig á mikilvægi margra annarra þátta sem einnig viðkoma góðri heilsu. Sóley hjálpaði mér að forgangsraða og skipuleggja mig til þess að geta náð árangri. Í dag er ég almennt meðvitaðri um heilsuna mína og hvað ég þarf að gera til þess að líða vel, líkamlega og andlega. Sóley er virkilega vel lesin og hefur frætt mig um ótal margar rannsóknir um hin ýmsu málefni sem hafa nýst mér vel í átt að bættri heilsu. En fyrst og fremst er hún frábær manneskja sem hlustar, skilur og hvetur mann áfram. Ég mæli heilshugar með Sóleyju heilsumarkþjálfa!“
Áslaug Lárusdóttir

Hafðu samband

Ef þú vilt vita meira um starfið eða athuga með tíma.

Fylltu út formið hér að neðan, eða sendu tölvupóst á info(hjá)heilsuhonnun.is